अप्रिल २२, २०१३ (सोमबार)

गैर-आवासिय नेपाली संघ (एनआरएन) जापानको अधिबेशन आगामी अगस्त १८ तारिख ओसाकाको निशिनागाहोरी कुमिन हल मा हुने भएको छ । यसै बिच एनआरएन जापान को नबौ केन्द्रिय कमिटिको बैठकले अधिबेशनको मिति तोकी क्षेत्र हरुलाई क्षेत्रिय अधिबेशन जुलाई १८ भित्र गर्न परिपत्र समेत गरि सकेको व्यहोरा बिज्ञप्तिमा जनाइएको छ ।

बिज्ञप्तिमा उल्लेख गरिए अनुसार आठ क्षेत्र हरुले २०१३ को मे १८ भित्र पंजीकृत सदस्यता नबिकरण गरि सक्नु पर्ने र जुलाई १८ भित्र आ-आफ्नो सकभर नजुधाउने गरि क्षेत्रको क्षेत्रिय अधिबेसन सम्पन्न गरिसक्नु पर्ने समेत बिज्ञप्तिमा उल्लेख गरिएको छ । पहिलो पटक ५ नबिकृत पंजीकृत सदस्य बराबर १ जना पार्षद र ११ सदस्यीय क्षेत्रिय समिति समेतको प्रतिनिधिले मात्र आगामी रास्ट्रीय अधिबेसनमा चुन्न र चुनिन पाउने भएकोले बिधान अनुसार दायित्व बहन गरि (संस्थाको वेबसाइटमा उल्लेख पंजीकृत सदस्यको नबिकरण शुल्क ५०० एन र नया पंजीकृत सदस्यकोको लिईने १००० एन सदस्यता शुल्क बाट ५०० एन क्षेत्र मा राखी बाँकि ५०० एन सहित) पठाईएको पंजीकृत सदस्यको नामावलीको आधारमा मात्र क्षेत्रिय कमिटी र अधिबेशन प्रतिनिधि चुनिनु पर्ने बिज्ञप्तिमा उल्लेख छ ।

आगामी केन्द्रिय कमिटिको बैठकले क्षेत्रिय अधिबेशनको केन्द्रिय प्रतिनिधि तोक्ने र उक्त केन्द्रिय प्रतिनिधिको क्षेत्रिय अधिबेशनमा प्रतक्ष्य निगरानी (प्रक्रिया) रहने व्यहोरा समेत बिज्ञप्तिमा उल्लेख गरिएको छ ।

साथै एन आर एन जापान कान्तो क्षेत्रिय कमिटी ले आफ्नो अधिबेशनको मिति समेत सार्बजनिक गरेकोमा हार्दिक कृतज्ञता व्यक्त गर्दै अरु क्षेत्रहरु लाई पनि आफ्नो क्षेत्रिय अधिबेसन को मिति तोक्न र सदस्यता नबिकरण लाई समयमै पुरा गर्न सस्थाका प्रबक्ता शरद कुमार गौचनद्वारा जारी बिज्ञप्ति मार्फत हार्दिक अनुरोध गरेको छ ।

एनआरएन जापानको अधिबेशनको बिस्तृत विवरण

मिति: २०१३ अगस्त १८ तारिख (आईतबार)
स्थान: निशिनागाहोरी कुमिन हल, ओसाका जापान
समय: बिहान ९ बजे देखि बेलुका ५ बजे सम्म
ठेगाना : Nishi Kumin Centre
〒550-0014　4-2-7 Kitahorie ,Nishi-ku, Osaka City
（Closest Station）Underground Sennichimae Line・Nagahori Tsurumi-ryokuchi Line「Nishinagahori」
Phone 06-6531-1400　Fax 06-6531-1402
लिंकhttp://www.city.osaka.lg.jp/contents/wdu020/shimin/english/shisetu/01/index.html

थप जानकारी र सम्पर्क
ओम गुरुङ : ०८०-४४७१-०७७७
डा.राजेन्द्र प्र पराजुली: ०९०-६१४६-३३२३
शरद कुमार गौचन: ०९०-२३१९-००२७
नारायण स्टेभेन्स: ०९०-९१६०-५७८२
तुलशी खरेल: ०९०-६६६६-२४८५

मार्च ११, २०१३ (सोमबार)

मार्च ८ तारीखमा अन्तरराष्ट्रिय महिला दिवस मनाइरहँदा त्यसको एकदिन अघि अर्थात मार्च ७ तारीखका दिन टोक्योको ओचुका स्थित आफ्नै अपार्टमेन्टमा आत्महत्या गरेकी एक नेपाली चेलीको परिवारलाई सहयोग गर्न एनआरएन जापानले आम जापानबासी नेपालीहरुलाई हार्दिक आब्हान गरेको छ ।

स्थायी ठेगाना मंगलटार -९, काभ्रे नेपाल भएकी जापानमा सबै नेपाली जस्तै आफ्नो तथा परिवारको भविष्य बनाउन भनि १ वर्ष अगाडि जापानी भाषा विद्यालयमा अध्ययन शुरु गरेकी स्वर्गीय सानु कुमारी तामाङको असमायिक निधन प्रति समबेदना प्रकट गर्दै गैर-आवासीय नेपाली संघ जापानले उनको शव नेपाल लैजानका लागि सहयोग गर्न आग्रह गरेको छ ।

गैर-आवासीय नेपाली संघ जापानका अध्यक्ष ओम गुरुङले जारी गरेको बिज्ञप्तिमा भनिएको छ-’यस्ता भैपरी आउने समस्याको स्थायी समाधान तर्फ ध्यान दिन र त्यसको दिर्घकालिन योजना तर्जुमा गर्नु पर्ने भएतापनि “तत्काल परिवारको आग्रह अनुसार मृत-शरीरलाई  नेपाल पुर्याउनको लागि” आवश्यक सहयोग जुटाउन जापानमा सबै संघ संस्था लागे झैँ गैर-आवासीय नेपाली संघ जापानले समेत यहाँका सबै अग्रज तथा क्रियाशील संघ संस्था एवं श्रद्धेय सबै करुण मनका मित्रहरुलाई विनम्र अनुरोध गर्दछौ ।’

यो सम्पूर्ण अभियानको संयोजनको लागि गैर-आवासीय नेपाली संघ जापानको तर्फबाट कार्य समिति सदस्य तथा ग्रिन नेपाल प्रोजेक्टका संयोजक देविलाल भण्डारी (०८०-४७१७-४८८६) र कोषाध्यक्ष नर बहादुर थापा (०८०-५४९५-५८७७) लाई सम्पर्क गरी सहयोग रकम एनआरएन जापानको तपसिलको खातामा जम्मा गरिदिन सकिने गैर-आवासीयन नेपाली संघ जापानले जनाएको छ ।
यस तिन दिने सहयोग संकलन अभियान पछि गैर-आवासीय नेपाली संघ जापानको तर्फबाट पनि सहयोग राशी थप गरि संम्बन्धित पक्षलाई सहयोग हस्तान्तरण गरिने विज्ञप्तिमा जनाइएको छ ।

रकम भुक्तानी गर्ने हुलाक खाता बिवरण (एनआरएन जापानको एकाउन्ट)

YUCHO GINKOU
A/C Number: 10010-52370361
A/C Holder Name: カイガイザイジュウネパールジンカイ
------------------------------------------------------------------
ゆうちょ銀行
記号番号：10010
口座番号：52370361
口座名義：カイガイザイジュウネパールジンカイ

नोट: सहयोगदाताहरुले नाम र रकम बिवरण जानाकारि गराउनुहुन  हार्दिक निवेदन गरिन्छ । यस आपतकालिन मानविय सहयोग कार्यको लागि सक्रिय सहभागीताको आशा र विश्वासमा

जनवरि १७, २०१३ (बिहिबार)

अन्तर्राष्ट्रिय मानव अधिकार दिवसको अवसरमा टोकियो बार एसोसिएसनले एनआरएन जापानका संस्थापक अध्यक्ष राजन प्रधानाङ्गलाई मानव अधिकार पुरस्कार प्रदान गरेको छ ।

'मानव अधिकार तथा समाज सेवामा समर्पित भइ बिगत २५ बर्षदेखि नेपाली तथा विदेशीका लागि जापानमा रहेर कार्य गर्दै आएबापत' प्रधानाङ्गलाई पुरस्कृत गरिएको जनाइएको छ । जापानको मानव अधिकार सम्बन्धी चर्चित गोविन्द मैनालीको मुद्दामा आवाज उठाउन १५ वर्र्षदेखि अनवरत लागीपर्दै आएका प्रधानाङ्ग गोविन्द सहयोग समितिका सक्रिय सदस्य समेत हुन् ।

अक्टुवर १०, २०१२ (बुधबार)

आगामि डिसेम्वर २ तारीख आईतबारका दिनमा थकाली सेवा समिति, जापानले "प्रथम मैत्रीपुर्ण भलिबल" प्रतियोगिता आयोजना गर्ने भएको छ । टोक्योको नाकानोकु स्थित सागिनोमिया खेल मैदानमा बिहानको १० बजे देखी प्रतियोगिता शुरु हुनेकुरा यस भलिबल प्रतियोगिताका संयोजक लेनिन भट्टचनद्धारा हस्ताक्षरित बिज्ञप्तिमा जनाईएको छ । उत्त प्रतियोगितामा जापानस्थित नेपाली संघसंस्था एवं सामाजीक, राजनैतिक,गैर-राजनितीक क्षेत्रीय एवं क्लव वा जुनै प्रकारका टिमले पनि सहभागि जनाउन सक्ने प्रावधान रहेको छ । प्रतिस्प्रधात्मक खेलको बिजयी टिमलाई ठूलो नगद पुरस्कार रासी, सिल्ड, मेडल र प्रमाण पत्रको समेत ब्यबस्था रहेको यस भलिबल खेलको दर्ता समय अबधी नोभेम्बर १० तारीख सम्म किटान गरिएको छ । थसेस जापानद्धारा जापानमा पहिलो पटक आयोजना हुन गईरहेको यस ‌प्रथम मैत्रीपुर्ण भलिबल प्रतियोगितामा जापानमा क्रियाशील संघसंस्था, सम्पुर्ण जापानबासी श्रद्धेय खेलाडिहरु तथा खेलप्रेमी आम नेपाली दाजुभाई, दिदिबहिनीहरुमा डिसेम्वर २ तारीख आईतबारका दिनमा खेल मैदानमा उपस्थित भई खेलाडिहरुलाई हौसला प्रदान गरिदिनुहुन पनि आयोजकले अनुरोध गरेको छ ।

अक्टुवर ०१, २०१२ (सोमवार)
एनआरएन जापानले जापानमा पहिलो पटक जापानबासि नेपाली मुलका बालबालीकाको आफ्नो मातृभुमि प्रतिको बिचार, भावना र सोचाईलाई चित्रकला मार्फत अभिब्यक्ति गर्ने प्रतियोगिता आयोजना गर्न लागेको कुरा एनआरएन आईसिसी महिला प्रतिनिधि डा.नम्रता पाण्डेद्धारा हस्ताक्षरित बिज्ञप्ति मार्फत सार्वजनिक गरेको छ । उत्त कार्यक्रम एनआरएन जापानको आयोजनामा डा. पाण्डेको संयोजकत्वमा आउदो अक्टुबर ८ तारीख सोमबारको सार्बजनिक बिदाको दिन पारि सिन्जुकु स्टेशन छेउकै हलमा उत्त प्रतियोगिता आयोजना गर्न लागिएको कुरा जनाईएको छ ।

अगष्ट २७, २०१२ (सोमबार)

अष्ट्रेलियाको सिड्नीमा हुन गईरहेको गैर आवासीय नेपाली संघ अन्तरराष्ट्रिय समन्वय परिषदको सातौ क्षेत्रीय सम्मेलनमा भाग लिनका लागि जापानबाट एक टोली आज त्यसतर्फ प्रस्थान गरेको छ ।

एनआरएन जापानका अध्यक्ष ओम गुरुङको नेतृत्वमा रहेको टोलीमा एशिया प्यासिफिक उपसंयोजक किरणविक्रम थापा, सल्लाहकार भूषण घिमिरे, कोषाध्यक्ष नरबहादुर थापा, प्रवक्ता शरदकुमार गौचन, आईसीसी युवा प्रतिनिधि सुदन थापा र दीपक थापा रहनुभएको छ ।

जुलाई २४, २०१२ (मंगलबार)
नेपाल फेष्टिबललाई जापानमा नेपालीहरुको एउटा गौरव गर्न लायकको साझा महामेलाकारुपमा बिकास गर्दै लैजान आवश्यक रहेको छ । यसका लागि नेपाली दूतावास, एनआरएन र यहाँका सबै नेपाली संघसंस्थाहरु एवं नेपाली समुदायबिचको एकता र सहकार्यलाई बलियो बनाउँदै कसिलो हातेमालो गर्न जरुरी रहेको यहाँका बुद्धिजीवीहरु बताउँछन् ।

जुलाई १०, २०१२ (मंगलबार)

थकाली सेवा समिति जापानद्वारा आयोजित एक दिने सेमिनार, ईकेबुकुरो स्थित सेईकाचु सान्ग्यो ल्पाजामा अस्ति जुलाई ८ तारीख आईतबारका दिन सफलताका साथ सम्पन्न भएको छ।

जुलाई ९ तारीख देखि लागु हुने अध्यागमनको नया नियम सम्बन्धितका बिषयमा प्रस्तोता नोजु हारुहितो र प्राकृतिक दैविप्रकोप सम्बन्धिका वक्ता टोकियो एमएक्स टेलिभिजनका समाचार बिश्लेषक जिज्ञानकुमार थापाले अति नै सरल भाषामा बिभिन्न उदाहरण दिदै पावर पोईन्ट र ह्वाईटबोर्डमा लिखित एवं बुदाग रुपमा अबगत गराउनु भएको थियो ।